Asturies endurez el so protocolu d'actuación pa los casos de contaminación del aire
Les midíes aplicaránse por primer vegada nos núcleos rurales, baxen los marxes pa la so activación ya inclúyense nuevos contaminantes
Alerta de contaminación a la entrada de Xixón, en 2022. / Marcos León
El Gobiernu d'Asturies anunció l'actualización del Protocolu d'actuación n'episodios de contaminación del aire nel Principáu, que marca l'actuación y midíes a siguir en casos de contaminación atmosférica causada por episodios puntuales de concentraciones de determinaos contaminantes superiores a los niveles permitíos.
Con esti cambiu, que respuende a un compromisu recoyíu nel Plan Estratéxicu de Contaminación del Aire (Pecapa), la Conseyería de Transición Ecolóxica, Industria y Desenvolvimientu Económicu inclúi per primer vegada los conceyos rurales nel ámbitu d'actuación, espardiendo esti protocolu a tol territoriu asturianu. La conseyera, Nieves Roqueñí, informó sobre esti y otros datos destacables dientro de la revisión d'esti documentu, la primera que s'entama dende 2018.
Tamién se va modificar el rangu de les partícules inferiores a 10 micres pa l'activación del protocolu nel so nivel preventivu. El protocolu va activase en nivel preventivu cuando nuna estación se superen trés díes de siguío concentraciones mayores de 40 microgramos por metru cúbicu, frente a los 45 actuales. Nel casu del rangu d'alerta, caltiense en 75, más esixente que l'establecíu a nivel estatal nel plan marcu d'acción, qu'asitia en 80.
Tamién s'incluyeron dos nuevos contaminantes pa l'activación del protocolu, el dióxidu d'azufre y l'ozonu, tamién recoyíos nel plan nacional, y pa l'activación por concentraciones de partícules PM10 y PM 2,5 va tenese en cuenta la esistencia de llegaes de polvu saharianu, amás d'otros fenómenos como escenarios de baxa ventilación ya inversiones térmiques. El plazu d'alegaciones, de venti díes hábiles, termina'l 23 de mayu.
“Cola ayuda de la Conseyería de Cultura, Política Llingüística y Deporte del Principáu d´Asturies”.
- El PP asturiano ve "una vergüenza" que la ministra Yolanda Díaz "venga a hacerse una foto
- Estupor en el Gobierno asturiano con la visita de Yolanda Díaz e indignación en la política: 'Es vicepresidenta, no Shakira en un concierto
- Los planes del Gobierno para mandar trenes nuevos a Asturias... si los Avril no cubren toda la demanda
- Guerra entre el Principado y la Comunidad de Madrid por la sanidad: 'Isabel Díaz Ayuso miente
- Asturias luce músculo económico en Madrid y Hereu lanza un aviso: “Si alguien se quiere ir tendrá que devolver las ayudas”
- Avilés y el valle del Nalón estrenan los buses que conectan con el AVE
- Jean-Michel Jorda (francés afincado en Asturias) documenta hasta qué extremos llega el turismo de montaña en el Himalaya
- Ir al HUCA de madrugada, la vía cada vez más usada para una atención rápida: 'Las guardias de las noches se han vuelto muy complicadas
