L'aeropuertu d'Asturies sigue batiendo récords: 370.840 pasaxeros nel primer trimestre del añu
Los 142.075 usuarios rexistraos faen del mes pasáu'l meyor marzu de la historia de la instalación castrillonense
![Un avión carga pasaxeros nel aeropuertu d'Asturies.](https://estaticos-cdn.prensaiberica.es/clip/96aecf50-63aa-4c87-b95a-ceda3624a385_16-9-discover-aspect-ratio_default_0.jpg)
Un avión carga pasaxeros nel aeropuertu d'Asturies. / PABLO SOLARES
L'aeropuertu d'Asturies sigue batiendo récords: rexistró más de 370.840 pasaxeros nel primer trimestre del añu, lo que vien a ser un 72,6% más que nos trés primeros meses de 2022 y un 36,2% más que nel mesmu periodu de 2019, añu prepandemia.
De los 370.104 pasaxeros qu'utilizaron vuelos comerciales (72,8% más que nos trés primeros meses de 2022 y 36,6% más que nel mesmu periodu de 2019), 303.178 fixéronlo con orixe o destín nacional, mentanto que 66.926 correspondieron a tráficu internacional. D'esti xeitu, los pasaxeros que viaxaron en vuelos internacionales superen el 18% del total.
El bon comportamientu que caltuvieron mesmo'l tráficu nacional como'l foranu na instalación castrillonense afita l'enclín al alza de los últimos meses.
En cuantes al movimientu d'aeronaves, nel primer trimestre sumaron un total de 2.981 (un 49,1% más qu'en 2022 y un 19,7% más al respeutive de 2019). D'eses operaciones, 2.791 tuvieron calter comercial, un 54% más que nel primer trimestre de 2022 y una medría del 24,9% en comparanza con 2019.
Polo que respecta al pasáu mes de marzu, un total de 142.075 pasaxeros utilizaron l'aeropuertu d'Asturies, cifra que supera nun 64,8% los datos de marzu de 2022 y nun 28,2% la del mesmu mes de 2019. Ye asina'l meyor mes de marzu de la historia del aeropuertu asturianu, inauguráu en 1968.
Amás, xestionáronse 1.086 operaciones d'aterrizaxe y despegue, un 49% más qu'en marzu de 2022 y un 0,6% perriba de les operaciones del mesmu mes de 2019.
- Fallece de forma repentina en un tren Carlos de la Torre, coordinador de la Cámara de Oviedo
- Barbón dice que es 'osado opinar sobre una fusión con León' y Rozada afirma que 'no hay dos regiones con más afinidad
- Los cánticos franquistas en Gijón, bajo investigación policial
- Barbón: “Frente a la motosierra y el sálvese quien pueda, Asturias blinda la atención a los mayores, el estado del bienestar”
- Página no encontrada - La Nueva España
- Retenciones en la A66 entre Oviedo y Avilés tras volcar un vehículo en la carretera
- Esta es la gran oferta semanal de plazas para este verano (un 76% más que en 2023) de Asturias a Madrid en alta velocidad
- Tristeza tras el fallecimiento de Carlos Rodríguez de la Torre, coordinador de la Cámara de Oviedo: 'Gracias por tu dedicación y trabajo