El Pueblu d’Asturies abre online un fondu d'archivos sonoros tradicionales
Entama con 140 pieces de música y tradición oral donaes pol investigador Fernando Ornosa
El Muséu del Pueblu d’Asturies recibió del investigador Fernando Ornosa la donación de tolos materiales del Archivu de Música Tradicional que lleva arrexuntando dende 2001. Los materiales vienen d'un trabayu de campu con grabaciones audiovisuales orixinales de testimonios musicales y orales recoyíos en distintos llugares d'Asturies. A ello axúntense les cesiones realizaes per parte de 93 investigadores y asociaciones culturales venceyaes a la recoyida d'estos testimonios.
La totalidá de los fondos ta dixitalizada y rexistrada en formatos analóxicos, en formatos dixitales y hasta en discos de pizarra y vinilu.
Ún de los primeros oxetivos del Muséu del Pueblu d’Asturies con esta donación ye la publicación d'un fondu sonoru on line, con grabaciones editaes d'esti archivu. Pa ello, incorporóse al repositoriu d'activos dixitales del Conceyu de Xixón fondos.gijon.es ‒que yá contien fondos fotográficos, museográficos, gráficos, documentales, hemerográficos y otros‒, un apartáu de "Fondos sonoros", que s'abre al públicu con 140 pieces representatives de la música y la tradición oral asturianes recoyíes ente 1979 y 2023. Estos primeros documentos sonoros editaos pertenecen a los conceyos de Castropol, Degaña, Santalla d'Ozcos, Cuideiru, Quirós y Llanes, y ente ellos hai grabaciones rexistraes a informantes sobresalientes, como Matilde Amieva (El Mazucu, Llanes), Dolores Fernández (El Rebol.lal, Degaña), Arcides y María González (Trabáu, Degaña), Matilde Díez (As Figueiras, Castropol), Antonio Villar (Ancadeira, Santalla d'Ozcos), etc.
“Cola ayuda del Gobiernu del Principáu d´Asturies”.
- Un guardia civil de Asturias, el primero en llegar hasta los espeleólogos perdidos en Cantabria
- Día de nervios para 4.783 maestros: un 80% de participación en las oposiciones y algunas críticas al método de examen
- Los perfiles de los dos asturianos (Alejandro Abascal y Bernardo Fernández) en el Consejo General del Poder Judicial
- ¿Qué pasa después de sacar un sobresaliente en la EBAU? Varios asturianos explican cómo les ha ido 10 años después de examinarse
- Abierto el periodo de solicitudes para los ciclos de Formación Profesional del próximo curso en Asturias
- Solos, envejecidos y con uno de cada cinco asturianos nacido en el extranjero: así será la Asturias de 2039
- Pilar Varela cesa como directora de Planificación de FP en el Ministerio
- Los ingenieros de caminos ven 'confuso e indefinido' el Plan Director del Corredor Atlántico en el Noroeste