El grupu estatal SEPI llogra beneficios por tercer añu consecutivu
Los resultaos del dueñu d'Hunosa y otres empreses presentes n'Asturies menguo magar el récord de ventes
La Sociedá Estatal de Participaciones Industriales (SEPI) llogró l'añu pasáu un beneficiu de 10 millones. Esti ye'l tercer añu consecutivu que remata con rentabilidá, anque'l resultáu siguió un enclín decreciente: en 2021 llogró 159 millones y en 2022, 47 millones. Esti amenorgamientu produzse magar que l'añu pasáu'l grupu tuvo una cifra récord de facturación (5.908 millones), en parte por aciu de la inflación.
La SEPI, qu'hasta les grandes privatizaciones de los años 90 foi'l mayor empresariu industrial d'Asturies, caltien el control del 100% de la empresa asturiana Hunosa, tradicionalmente deficitaria, y opera n'Asturies per aciu d'otres sociedaes públiques d'ámbitu estatal, como Correos, Tragsa, Sepides, Mercasa, Efe y otres. Tamién tien participaciones n'otres sociedaes operatives na comunidá, como Enagás, Indra y Rede Eléctrica. Con datos de va dos años (últimu oficial), SEPI concentra n'Asturies 2.544 empleos, el 3,2% del total n'España.
Estes cifres nun inclúin Duro Felguera, Imasa y Isastur, onde SEPI xestiona les aportaciones temporales del Fondu Estatal de Rescate (FASSE).
“Cola ayuda del Gobiernu del Principáu d´Asturies”.
Temas
Más en N'asturianu
-
La identidá asturiana llevase nos pies: el Pueblu d’Asturies enseña parte de la so colección de calzáu
-
Jorge Daniel Castaño gana’l XVI Premiu Alfonso Iglesias de cómic con "Pelayo 99"
-
Eurus, del grupu nipón Toyota, va instalar n'Eilao'l so tercer parque eólicu n'Asturies
-
La ría d'Avilés yá tien seis microarrecifes