Más de 45.000 vehículos de menos de 25 años, un 7,6% del total, nun tienen pasada la ITV n'Asturies
La mayor parte de los que nun superaron la revisión técnica obligatoria, 18.304, son turismos
ITV Asturies / LNE
Un total de 45.413 vehículos nun tienen la ITV en vigor nel Principáu d'Asturies. D'ellos, 18.304 son turismos, 11.005 son motocicletes y 16.104 formen parte d'otres categoríes como furgonetes, camiones, ciclomotores y otros. Asina se conseña nun analís d'Informes Mecánicos que revisó los microdatos ufiertaos pola Dirección Xeneral de Tráficu pa conocer cómo ye'l parque de vehículos ensin la ITV en vigor.
Estes cifres correspuenden a aquellos vehículos que, teniendo menos de 25 años, nun tienen la ITV en vigor o nun se tramitó la so baxa alministrativa. Inclúin a los vehículos que tán circulando ensin pasar la ITV, pero tamién aquellos que podríen tar en desusu o abandonaos.
La comparanza d'estos datos col total de vehículos de menos de 25 años da que'l 7,6% del parque d'automóviles n'Asturies nun tien la ITV en vigor nel Principáu d'Asturies. Esta cifra ye del 4% nel casu de los turismos, 21,1% nel de les motocicletes y 18,1% nel restu de los vehículos. Informes Mecánicos analizó los microdatos del parque de vehículos de la Dirección Xeneral de Tráficu. Son datos definitivos de 2023 y publicaos en 2024. Les cifres en brutu son la suma de los vehículos ensin ITV de menos de 25 años de tolos conceyos. Esti cálculu realizóse tamién por provincies y comunidaes autónomes.
“Cola ayuda del Gobiernu del Principáu d´Asturies”.
- Un guardia civil de Asturias, el primero en llegar hasta los espeleólogos perdidos en Cantabria
- Día de nervios para 4.783 maestros: un 80% de participación en las oposiciones y algunas críticas al método de examen
- La familia ve lesiones en un preso fallecido en la cárcel de Asturias y pide una segunda autopsia
- Educación se compromete a consolidar a las técnicas de educación infantil tras aprobar la ley de 'Les Escuelines
- Los perfiles de los dos asturianos (Alejandro Abascal y Bernardo Fernández) en el Consejo General del Poder Judicial
- ¿Qué pasa después de sacar un sobresaliente en la EBAU? Varios asturianos explican cómo les ha ido 10 años después de examinarse
- Abierto el periodo de solicitudes para los ciclos de Formación Profesional del próximo curso en Asturias
- Pilar Varela cesa como directora de Planificación de FP en el Ministerio
