Seis de cada diez asturianos fueron atendíos nel HUCA nuna década
Nel complexu trabayen cuasi 7.000 profesionales, de los que más d'un millar son facultativos y otros 3.000 sanitarios, fundamentalmente enfermeres
Nel décimu aniversariu de la entrada en serviciu del Hospital Universitariu Central d'Asturies (HUCA), que se cumplió'l vienres de la selmana pasada, día 14, llega la hora de facer recuentu. Y el resultáu ye que seis de cada diez asturianos recibieron tratamientu nel complexu sanitariu uvieín cuandu menos nuna ocasión. "El centru lleva atendíos a 619.473 pacientes distintos dende l'entamu de l'actividá nes instalaciones de La Cadellada, onde se realizaron cerca de 207.000 intervenciones quirúrxiques", indica un comunicáu espublizáu esti día pola Conseyería de Salú del Principáu. Conózse bien que la población d'Asturies degola por poco'l millón d'habitantes. A lo llargo d'esta década, el serviciu d'urxencies asistió a 415.869 persones distintes en 1.486.114 episodios asistenciales.
Nel momentu actual, nel complexu trabayen cuasi 7.000 profesionales, de los que más d'un millar son facultativos y otros 3.000 sanitarios, fundamentalmente enfermeres.
El balance d'actividá del HUCA d'estos diez años, estrayíu del programa de xestión Millennium, ye apolmonante. Dende'l 14 de xunu de 2014, un total de 213.398 pacientes fueron hospitalizaos nos 385.093 ingresos que se rexistraron; 132.547 fueron interveníos siquier una vegada en dalguna de les 206.926 operaciones realizaes nos 33 quirófanos del hospital; y 619.473 persones producieron 10.238.638 actos clínicos nes consultes esternes.
Nel día a día de los últimos años, les cifres tamién resulten elocuentes. L'HUCA atiende cada xornada, de media, 105 ingresos, 75 intervenciones quirúrxiques, 2.100 consultes y 477 urxencies. Tocantes a prebes, caldía vienen realizase 238 tomografíes computarizaes, 88 resonancies magnétiques, 201 ecografíes, 85 mamografíes, 38 colonoscopies y 32 gastroscopies. Otru indicador llamativu d'actividá son tresplantes. Nos postreros cuatro meses realizáronse 74: 17 d'ellos de reñón, 22 de córnea, 2 de corazón, 28 de médula y 7 hepáticos. Nos sos diez primeros años, l'hospital uvieín axunta cuasi 2.400 tresplantes.
“Cola ayuda del Gobiernu del Principáu d´Asturies”.
- Un guardia civil de Asturias, el primero en llegar hasta los espeleólogos perdidos en Cantabria
- Día de nervios para 4.783 maestros: un 80% de participación en las oposiciones y algunas críticas al método de examen
- La familia ve lesiones en un preso fallecido en la cárcel de Asturias y pide una segunda autopsia
- Educación se compromete a consolidar a las técnicas de educación infantil tras aprobar la ley de 'Les Escuelines
- Los perfiles de los dos asturianos (Alejandro Abascal y Bernardo Fernández) en el Consejo General del Poder Judicial
- ¿Qué pasa después de sacar un sobresaliente en la EBAU? Varios asturianos explican cómo les ha ido 10 años después de examinarse
- Abierto el periodo de solicitudes para los ciclos de Formación Profesional del próximo curso en Asturias
- Pilar Varela cesa como directora de Planificación de FP en el Ministerio