Trabe publica la novela 'Aire mugoriento', ganadora del Andrés Solar de Novela
Ediciones Trabe acaba de publicar 'Aire mugoriento', novela negra y de suspense de Ricardo Candás qu'algamó la tercer edición del Premiu de Novela Curtia Andrés Solar, qu'entama'l Conceyu de Xixón.
La novela, según señalen dende la editorial, fala de la culpa, pero tamién de la redención al traviés de la resolución d’un misteriu qu’arrodia un fechu criminal que cai bien cerca del protagonista. Nella, Alipiu, un rapaz que vive dellos socesos tarrecibles que-y pruyen l’alma, va bregar col aire mugoriento que lu ablaya pol so vínculu cola víctima y el victimariu.
Ricardo Candás (Xixón, 1977) ye llicenciáu en Filosofía y profesor de Secundaria. Enfotáu siempre na escritura, sobre manera na poesía, como forma d’aprehender y descifrar el mundu que lu arrodia, tien ganaos dellos premios lliterarios: el Fernán-Coronas con 'Quiciás seya payares' (2006), el Llorienzu Novo Mier con 'Nos díes pensatibles' (2012), el Nené Losada Rico con 'Naufraxos' (2013) y el Xuan María Acebal con 'Superficie del silenciu' (2014), toos ellos de poesía. Nel 2010 publicó 'Les últimes pallabres (Compilación de rellatos)', nel que yá apuntaba dalguna de les llinies qu’apaecen n’Aire mugoriento.
“Cola ayuda del Gobiernu del Principáu d´Asturies”.
Más en N'asturianu
-
La presión fiscal torga la competitividá d'Asturies, rescamplen los economistes
-
LABoral estrémase pola alta programación de muyeres artistes
-
Cultura convoca les ayudes pal deporte tradicional asturianu
-
La identidá asturiana llevase nos pies: el Pueblu d’Asturies enseña parte de la so colección de calzáu