Entamáu'l campeonatu del mundu de carrera en madreñes: asina va ser y asina puedes inscribite
La competición va celebrase en Bezanes, Casu, el sábadu 3 d'agostu
Manuela Eleazar Fernández, Marta Caldevilla y Miguel Fernández, esti día, n'El Campu (Casu)
El próximu 3 d'agostu la localidá casina de Bezanes, en plenu corazón del parque natural de Redes, volverá allugar el Campeonatu del Mundu de Carrera de Madreñes, que cumple yá la so cuarta edición. L'añu pasáu más de mediu centenar de persones participaron na competición. Esti añu quieren superase eses cifres, y ello ye que yá s'abrió la inscripción pa les persones que quieran participar nesta particular carrera, qu'axunta deporte con tradición.
El salón de plenos del Conceyu de Casu acoyó l'actu de presentación del IV Campeonatu del Mundu de Carrera de Madreñes. Pa sofitar la prueba tuvo la directora xeneral de Deportes del Principáu, Manuela Eleazar Fernández, xunto cola presidenta de l'Asociación Cultural, Recreativa y de Festexos de Sobrecastiellu, Marta Caldevilla. Con elles, l'alcalde casín, Miguel Fernández.
Esti añu va haber cuatro categoríes, poles trés del añu anterior. Va haber una primera de neños d'hasta 7 años; una segunda, d'ente 1 a 13 años; la categoría trés, con edaes d'ente 14 y 49 años y una carrera senior, pa mayores de 50. El percorríu, amás, aumenta en 200 metros nes dos categoríes p'adultos, hasta llegar casi al mediu kilómetru (450 metros). Pa los mozos de 7 a 13 años, la carrera va tener 100 metros de llargor. Esti añu, depués de la gran asistencia de públicu de la carrera del añu pasáu, va habilitase "otru aparcamientu gratuitu", amás del yá esistente.
Les inscripciones pueden facese online nel enllaz cofebe.webnode.es y nel Instagram de la comisión de festexos.
“Cola ayuda del Gobiernu del Principáu d´Asturies”.
- Fallece Carlos de la Torre, coordinador de la Cámara de Oviedo
- Barbón dice que es 'osado opinar sobre una fusión con León' y Rozada afirma que 'no hay dos regiones con más afinidad
- Sanz Montes cambia a su número dos en la Iglesia de Asturias: el abad de Covadonga sustituye a Sangrador tras trece años en el cargo
- Los cánticos franquistas en Gijón, bajo investigación policial
- Lo ideal en mi carrera sería poder regresar a Asturias, y no es descabellado
- Esta es la gran oferta semanal de plazas para este verano (un 76% más que en 2023) de Asturias a Madrid en alta velocidad
- Era un cielo de chaval', dicen los vecinos del joven de 28 años fallecido en un accidente de tráfico en Cudillero
- Las obras provocan retenciones en la A66 entre Oviedo y Avilés
