Reloxeru, atleta, ciclista y agora graduáu n'Historia.... ¡¡a los 63 años!!
José Antonio Fernández, bien conocíu en Cangues d'Onís poles sos aficiones deportives, dedicó la última década a sacar la carrera "on line"
José Antonio González, depués de graduase n'Historia / J. M. C.
Tou esfuerzu tien el so pagu. Afirmación tala vien-y que nin pintada a José Antonio Fernández Álvarez, de 63 años, natural de Cangues d'Onís, del barriu El Lleráu, qu'esti día asistió como un alumnu más al actu de graduación n'Historia y Patrimoniu pola Universidá de Burgos, na que cursó estudios.
"Toni Adelmo", como lu conocen los sos amigos y convecinos canguetos, empezó va una década a estudiar on-line, nun primer momentu Humanidaes na Universidá de La Rioxa, anque, darréu, pasó a Historia y Patrimoniu na de Burgos, en llogrando convalidar delles asignatures. Agora, rematada la so graduación, siéntese fondamente satisfechu depués de facer el so suañu realidá. "Sí , sí , ... Ensin priesa", esplica con una risada esos diez últimos años qu'emplegó nos sos estudios universitarios.
Fíu d'Adelmo Fernández Rodríguez y Leonor Álvarez Fuentefría, dambos yá finaos, qu'asitiaren en Cangues a mediaos de la década de los 50 del sieglu pasáu procedentes d'un pueblu d'Ourense, Toni Fernández pertenez al gremiu de la reloxería y xoyería, con local propiu na villa canguesa, negociu nel qu'empezó de mozu, con apenes 18 años, ayudando a los sos padres y qu'acabó siendo'l so oficiu, na que lleva cuatro décades.
En1986, Toni Fernández fundó'l Club Cangues d'Onís Atletismu, xunto con José Fuente Olmo y Juanma Piñán. Los trés yeren aficionaos a participar en carreres populares. Toni yá corriera la so primer maratón en 1985. Dempués, en 1988, punxeron los cimientos a l'anguaño consolidada como una de les meyores medios maratones de tou'l país: la Ruta de Reconquistar, que se celebra cada últimu sábadu de mayu .
En 2012. Toni Fernández, xunto a Arcadio Díaz y José Luis Blanco Teleña, decide sacar alantre'l Club Cangues d'Onís Ciclismu. Atletismu y ciclismu fueron les disciplines deportives que lu apasionaron dende siempre. Dambes conformen el duatlón, una especialidá na que Toni foi campeón d'Asturies veteranu en sprint, en dos oportunidaes, y campeón d'Asturies preveteranu en montaña (1996). Tovía hoi sigue teniendo'l guxán de salir a rodar cuando acompaña'l tiempu, peles carreteres de la contorna y asina caltenese en forma.
- Fallece de forma repentina en un tren Carlos de la Torre, coordinador de la Cámara de Oviedo
- Barbón dice que es 'osado opinar sobre una fusión con León' y Rozada afirma que 'no hay dos regiones con más afinidad
- Página no encontrada - La Nueva España
- Los cánticos franquistas en Gijón, bajo investigación policial
- Barbón: “Frente a la motosierra y el sálvese quien pueda, Asturias blinda la atención a los mayores, el estado del bienestar”
- Cuatro opositoras de Educación Infantil solicitan 'una medida de gracia' tras un error en la prueba
- Retenciones en la A66 entre Oviedo y Avilés tras volcar un vehículo en la carretera
- Tristeza tras el fallecimiento de Carlos Rodríguez de la Torre, coordinador de la Cámara de Oviedo: 'Gracias por tu dedicación y trabajo
