Trenta y cuatro asturianos pidieron la eutanasia l'añu pasáu, y aplicóse a ocho
El tiempu mediu ente la primer solicitú y la resolución final mengua de 41 a 36 díes
![Una paciente a la espera d'una eutanasia](https://estaticos-cdn.prensaiberica.es/clip/d977a2d7-76a2-4b15-ba5e-44f72920edd5_16-9-aspect-ratio_default_0.jpg)
Una paciente a la espera d'una eutanasia / LNE
N'Asturies practicóse la eutanasia a ocho persones a lo llargo del añu 2023, según los datos oficiales facilitaos esti día pola Conseyería de Salú del Principáu. L'añu precedente fueren nueve.
L'informe añal qu'evalúa la prestación d'esti derechu na rexón señala qu'en 2023 un total de 34 persones solicitaron ayuda pa morrer (frente a 25 en 2022). D'elles, 20 yeren homes y 14 muyeres. Al entamu del procesu, cuatro persones revocaron la so decisión y otres diez finaron enantes de la tramitación, a los pocos díes d'unviar el pidimientu. De les otres venti solicitúes, doce fueron aprobaes –ocho persones recibieron la prestación, una revocola y otres trés pidieron aplazamientu– y les otres ocho refugáronse. De los ocho casos nos que se realizó la eutanasia , cinco fexéronse na casa, mentanto que trés recibieron la prestación nel ámbitu hospitalariu.
"Les enfermedaes neurolóxiques y oncolóxiques irreversibles, incapacitantes, en fases mui avanzaes y ensin alternatives terapéutiques siguen siendo les patoloxíes que carecen les persones que piden l'aplicación d'esti derechu", señaló la Conseyería de Salú. L'añu pasáu, la media d'edá de los demandantes asitió en 71 años, frente a los 68 de 2022.
"El tiempu mediu ente la primer solicitú y la resolución final de la Comisión de Garantía y Evaluación pa la prestación de la eutanasia menguóel l'añu pasáu de 41 a 36 díes", destacó Salú. Esto supon, según l'Alministración, que "la xestión de la prestación n'Asturies, qu'asegura una muerte digna pal solicitante, realízase dientro de los plazos establecíos pola Llei Orgánica de Regulación de la Eutanasia (LORE)".
El Gobiernu asturianu sorrayó que la incorporación d'un equipu de sofitu técnicu que refuerza tol procedimientu "contribuyó a meyorar estos datos". El grupu encargóse de dar sofitu a la xestión de la prestación d'esti derechu. So la supervisión directa, el so cometíu consiste en coordinar y supervisar cada casu pa facilitar y garantizar tolos trámites a les persones interesaes.
L'añu pasáu viose una medría del porcentaxe de persones que rexistraren el documentu d'instrucciones previes (DIP), que pasó d'un 36 por cientu en 2022 a un 60 por cientu en 2023. Esti añu, hasta mayu tramitárense 2.256 instrucciones. En 2023 formalizáronse 3.370, y l'añu anterior, 1.394 espedientes.
- Fallece de forma repentina en un tren Carlos de la Torre, coordinador de la Cámara de Oviedo
- Barbón dice que es 'osado opinar sobre una fusión con León' y Rozada afirma que 'no hay dos regiones con más afinidad
- Página no encontrada - La Nueva España
- Los cánticos franquistas en Gijón, bajo investigación policial
- Barbón: “Frente a la motosierra y el sálvese quien pueda, Asturias blinda la atención a los mayores, el estado del bienestar”
- Retenciones en la A66 entre Oviedo y Avilés tras volcar un vehículo en la carretera
- Esta es la gran oferta semanal de plazas para este verano (un 76% más que en 2023) de Asturias a Madrid en alta velocidad
- Tristeza tras el fallecimiento de Carlos Rodríguez de la Torre, coordinador de la Cámara de Oviedo: 'Gracias por tu dedicación y trabajo