Higiénico Papel, La Compañía del Alba, Ambigú Media y Elektrafiktion, van competir nel VIII Premiu Nel Amaro de Teatru
La obra ganadora va decidise nel festival que se va celebrar a lo llargo del mes d’ochobre nel Teatru Filarmónica d’Uviéu
![Premiu Nel Amaro de Teatru n'asturianu.](https://estaticos-cdn.prensaiberica.es/clip/91135f2d-e863-49d7-a0c6-f0542c80e141_16-9-aspect-ratio_default_0.jpg)
Premiu Nel Amaro de Teatru n'asturianu. / CARLA LÓPEZ GARCÍA.
EP
Les obres teatrales de les compañíes Higiénico Papel, La Compañía del Alba, Ambigú Media Broadcast y Elektrafiktion son les cuatro que pasaron a la final del VIII Premiu Nel Amaro de Teatru Profesional en llingua asturiana y gallego-asturianu.
Les propuestes de les compañíes asturianes finalistes nesta edición son 'Gasolina con capullos', d’Higiénico Papel; 'Perendi', de La Compañía del Alba; 'Amanda y les castañes máxiques', d’Ambigú Media Broadcast; y 'Formigues' d’Elektrafiktion.
Esti gallardón, entamáu pola Conseyería de Cultura, Política Llingüística y Deporte y con una dotación económica de 6.000 euros, tien como oxetu premiar la meyor obra en llingua asturiana o gallego-asturianu, d’alcuerdu con criterios de calidá escénica, lliteraria y llingüística.
Estos criterios valoráronse pol xuráu presidíu pol director xeneral d’Acción Cultural y Normalización Llingüística, Antón García, y nel que participaron como vocales l’actriz y filóloga María Cotiello, la escritora y filóloga Pilar Fernández, l’escritor y actor Milio Ureta, l’escritor y profesor Xuan Santori y l’actriz y crítica teatral Eva Vallines. Tocante a la secretaría del tribunal, tuvo ocupada por Juncal Mónica García Velasco.
Depués d’esta primer fase na que s’escoyeron les obres finalistes, va facese’l VIII Festival Nel Amaro de Teatru Profesional en Llingua Asturiana, que se va celebrar nel Teatru Filarmónica d’Uviéu tolos vienres del mes d’ochobre. Amás de les cuatro pieces teatrales finalistes, súmase a esti festival la obra ganadora na edición del 2023, 'El gorrumbu', de Saltantes Teatro.
Nel festival mentáu va decidise la obra teatral ganadora que, amás de la dotación económica del premiu, va integrase nel circuitu Autores nel Camín del programa Asturies, Cultura en Rede.
Esti premiu y festival lleva’l nome de Nel Amaro n’honor y reconocencia al autor fallecíu nel 2011 que, a últimos de la década de los setenta del sieglu pasáu, abrió’l camín pa la vanguardia teatral n’asturianu. Ente los sos proyectos escénicos destaquen Xénesis o alborá de la concencia (1978); Glayíos nueos, vieya murnia (1979); L’únicu rebalbu (1980) y Antígona, por exemplu, que ganó’l premiu de teatru de l’Academia de la Llingua Asturiana en 1991. Les manes en caxón (2003) foi la so última publicación teatral.
“Cola ayuda del Gobiernu del Principáu d´Asturies”.
- Fallece de forma repentina en un tren Carlos de la Torre, coordinador de la Cámara de Oviedo
- Murió tras estrellarse contra un árbol caído en Candamo y ahora el Principado debe indemnizar a su familia: unas imágenes de Google Maps, claves en la sentencia
- La razón por la que repostar gasolina sale más caro en Asturias que en cualquier otra comunidad
- Página no encontrada - La Nueva España
- Cuatro opositoras de Educación Infantil solicitan 'una medida de gracia' tras un error en la prueba
- Renfe saca a la venta 7.000 billetes del AVE 'barato' a Madrid, a partir de 7 euros
- Barbón: “Frente a la motosierra y el sálvese quien pueda, Asturias blinda la atención a los mayores, el estado del bienestar”
- Retenciones en la A66 entre Oviedo y Avilés tras volcar un vehículo en la carretera