Un manantial de Castellón recurre a agua de Nava por cuenta de la seca
Fuensanta embotellará parte de l'Agua de Benassal mientres siga la grave crisis hídrica qu'afecta a Fuente d’en Segures
Sede d'Agua de Fuensanta na Sierra de Peñamayor, en Nava. / LNE
La envasadora castellonense d'agua mineral Benassal, propiedá del Conceyu de la localidá, recurrió a Asturies p'abastecese de materia prima vista la "grave crisis hídrica" qu'afecta al so manantial Fuente d’en Segures.
La compañía anunció un alcuerdu cola empresa asturiana Global SMM 2009 pa qu'esta sociedá, titular d'Agua de Fuensanta y otres marques, asuma nes sos instalaciones de Nava l'embotelláu de la marca castellonense nos formatos de plásticu PET de 1,5 llitros y 500 y 300 milillitros cola marca de la compañía d'Alto Maestrazgo hasta que la situación climática revierta. L'envasáu en vidriu retornable siguirá faciéndolu Benassal nes sos instalaciones de Fuente d’en Segures.
Con esti alcuerdu, la empresa mediterránea busca "asegurar la viabilidá de la compañía" y evitar el desabastecimientu de los sos veceros vista la grave afectación al caudal del so manantial, afirmó Agua de Benasall.
Esta empresa, que tien una necesidá de producción de 10 millones de llitros al añu, que comercializa fundamentalmente na Comunidad Valenciana, Cataluña y Baleares, dixo qu'escoyó la empresa asturiana porque "comparte valores y estándares de calidá, mesmo qu'una composición química de l'agua minero melecinal" mui asemeyada.
Agua de Benassal data de 1928 y camentó la posibilidá de facer un ERTE de fuerza mayor. Fuensanta entamó l'embotelláu del so agua de manantial en 1968 a partir d'una tradición balnearia que vien dende 1845.
El cambiu climáticu y la seca estrema en delles zones de la España meridional nos últimos años apunta a una revalorización de la zona cantábrica como gran reservoriu d'agua tanto pal consumu como pa usos industriales, y tamién a la revalorización estratéxica de la España verde pa esti tipu d'aprovechamientos y usos.
Nel casu de l'agua mineral de mesa y otres bébores ellaboraes con ella, Asturies tien na actualidá cinco manantiales n'activu (Fuensanta, Cuevas, Galea, Fuente del Oso y Borines, esti postreru dedicáu solo a la ellaboración de cerveza), y tramítense otros dos proyectos: el de Quess y el de Comillera, dambos p'agua mineral.
“Cola ayuda del Gobiernu del Principáu d´Asturies”.
- Fallece de forma repentina en un tren Carlos de la Torre, coordinador de la Cámara de Oviedo
- Murió tras estrellarse contra un árbol caído en Candamo y ahora el Principado debe indemnizar a su familia: unas imágenes de Google Maps, claves en la sentencia
- La razón por la que repostar gasolina sale más caro en Asturias que en cualquier otra comunidad
- Página no encontrada - La Nueva España
- Cuatro opositoras de Educación Infantil solicitan 'una medida de gracia' tras un error en la prueba
- Renfe saca a la venta 7.000 billetes del AVE 'barato' a Madrid, a partir de 7 euros
- Barbón: “Frente a la motosierra y el sálvese quien pueda, Asturias blinda la atención a los mayores, el estado del bienestar”
- Retenciones en la A66 entre Oviedo y Avilés tras volcar un vehículo en la carretera
