Unos 160 asturianos residentes nel esterior piden acoyese al plan de torna del Gobiernu asturianu
El perfil del interesáu en venir a Asturies ye'l d'una persona de mediana edá y con familia
![Una pareya con camisetes de la bandera d'Asturies](https://estaticos-cdn.prensaiberica.es/clip/598709dc-89ef-4397-961d-8e3e8b54574a_16-9-aspect-ratio_default_0_x276y467.jpg)
Una pareya con camisetes de la bandera d'Asturies / Miki López
La Oficina de la Torna, creada pol Gobiernu asturianu nesta llexislatura, xestionó 160 consultes dende la so puesta en funcionamientu, que se fexo a finales del pasáu mes d'abril. El perfil del emigrante con interés en venir a Asturies ye'l d'una persona de mediana edá, con familia y formación universitaria. Esti nuevu serviciu, que según el Principáu yá s'alcuentra a plenu rendimientu, abrió una decena d'itinerarios d'acompañamientu al empléu a persones tornaes.
Esti nuevu serviciu ye una de les midíes comprometíes pol Executivu asturianu con una doble finalidá, amortiguar el crecimientu vexetativu negativu d'Asturies con más fallecimientos que nacencies y al tiempu afalar la vuelta d'asturianos que tean fuera de la rexón. Ye una iniciativa que yá entamó primero con una filosofía asemeyada la Xunta de Galicia y pola que'l presidente del Principáu, Adrián Barbón, espresó gran interés nel cume asturgallegu que se fexo en Taramundi, en marzu de 2023.
La oficina del Principáu ta atendida por trés profesionales con un sistema de xestión de "ventanu únicu", que realiza llabores d'asesoría sobre cuestiones de naturaleza social, llaboral, económica y alministrativa, mesmo a los que yá tornaron a Asturies, como a los que tean interesaos en facelo.
Per corréu electrónicu
Amás, ufierta siguimientu de forma presencial y telemática pa sofitar la inclusión social y llaboral de los asturianos tornaos. Hasta agora, el 70 por cientu de les 160 consultes a la Oficina de la Torna llegaron per corréu electrónicu mentanto que'l 20 por cientu materializóse per aciu de contactu telefónicu y el 10 por cientu restante foi de calter presencial.
“Cola ayuda del Gobiernu del Principáu d´Asturies”.
- Murió tras estrellarse contra un árbol caído en Candamo y ahora el Principado debe indemnizar a su familia: unas imágenes de Google Maps, claves en la sentencia
- La historia de Antonio Gabárriz, el primer maestro gitano en Asturias y un referente: 'La mentalidad ha cambiado
- La razón por la que repostar gasolina sale más caro en Asturias que en cualquier otra comunidad
- Más de 24 horas para llegar de Alicante a Asturias por un avión que nunca despegó
- Página no encontrada - La Nueva España
- Cuatro opositoras de Educación Infantil solicitan 'una medida de gracia' tras un error en la prueba
- Renfe saca a la venta 7.000 billetes del AVE 'barato' a Madrid, a partir de 7 euros
- Estas son todas las frecuencias del AVE de Asturias, pero los empresarios piden más: 'No hay forma de viajar