Lo que dexó pescudar el chip asitiáu nun bonitu (y los biólogos marinos tán entusiasmaos)
Los científicos del centru tecnolóxicu vascu AZTI usen la güelga electrónica proporcionada pol pexe pa saber más de los sos vezos
Lo que ha permitido averiguar el chip colocado en un bonito (y los biólogos marinos están entusiasmados) / LNE
La captura per parte del barcu pesqueru francés "Vincent Galland" d'un bonitu al sur d'Irlanda abrió la puerta a un mayor conocimientu de la vida d'estos pexes que cada branu visiten el Cantábricu faciendo posible una de les costeres más populares. El pexe midía 85 centímetros, pesaba 11,6 kilos y guardaba una sorpresa. Nes sos coraes escondía un pequeñu dispositivu de rastrexu qu'asitiara dos años primero l'investigador marín Íñigo Onandía a bordu del bote de pesca de so padre Román, a 12 milles al norte del puertu de Bilbao. L'exemplar midía entós 70 centímetros y pesaba alredor de 7 kilogramos.
Una vegada recuperada, la marca mandóse al centru tecnolóxicu Azti, onde a los investigadores esperábalos una sorpresa entá mayor: per primer vegada quedara rexistrada la ruta migratoria d'un bonitu xuvenil a lo llargo de dos años consecutivos. "Ye'l primer casu nel que se pudo introducir una marca electrónica nun bonitu del Atlánticu y recuperala más d'un añu dempués. Esto dexónos tener nes nueses manes información desconocida sobre esta especie. Sabíemos que sumía na seronda y en primavera, pero non ónde envernaba", esplica Onandía, espertu en xestión pesquera sostenible d'Azti.
En concreto, la marca electrónica emplegada lleva una tecnoloxía que dexa midir variables como la fondura a la que se somorguia'l pexe, la temperatura (de l'agua y dientro del atún) y la intensidá de la lluz. D'esti xeitu, los espertos del centru tecnolóxicu pueden valorar la ruta migratoria del exemplar desque se marcó. Los datos atropaos rescamplen por casu les visites socesives al golfu de Vizcaya a lo llargo de branos consecutivos de los bonitos xuveniles y enseñen el so destín d'envernía.
"Pel iviernu'l bonitu visita zones atlántiques peralloñaes (al Oeste) onde habita a fondures considerables (hasta dellos cientos de metros, onde se pesca con artes de palangre), mentanto que na so visita al Cantábricu distribúyese cerca de la superficie, onde se pesca con artes de cebu vivu, cacea y arrastre peláxicu", fae l'investigador d'Azti.
"La definición precisa de la estructura poblacional y les migraciones resulten importantes pa la xestión óptima de les campañes pesqueres. Metodoloxíes como'l marcaxe y la recaptura d'exemplares meyoren el conocimientu científicu d'especies como l'atún, de tantu valor pa la economía pesquera", conclúi Onandía.
“Cola ayuda del Gobiernu del Principáu d´Asturies”.
- Kiko Rivera sorprende con el anuncio de su inminente paternidad: 'Me voy para Sevilla ahora mismo
- Resultado de la prueba de paternidad de Bertín Osborne: 'Más fuerte que un torero
- Raúl y Borjamina se separan de Bruno Vila y anuncian un nuevo proyecto lejos de Reacción en Cadena junto a otro compañero: 'Tomás
- Vicente Vallés se despide de 'Antena 3 Noticias': esta es su sustituta
- Terelu Campos, de ganar cientos miles de euros a mendigar para vivir: 'Hago malabarismos para sobrevivir
- María Patiño deja a un lado sus vacaciones para atacar a Terelu Campos: 'Es capaz de poner de escudo a su hija
- Adiós al dinero de Marta Peñate en Supervivientes: esta es la escasa cantidad que se ha llevado en realidad
- Marieta confirma su maternidad tras hacer oficial la relación con Suso Álvarez: 'Mi familia
