Estes son les bases pa poder optar a les nueves ayudes d'Asturies pa investigación

El Gobiernu d'Asturies asoleyó va unos díes les bases de los cinco programes d'ayudes pa impulsar la ciencia, anovación y talentu. Les primeres bases reguladores publicáronse'l miércoles nel Boletín Oficial (Bopa) y van rexir gran parte del calendariu de convocatories entamáu pola Axencia Sekuens, principal empresa collaboradora, que va anunciar les notificaciones ente xunetu y ochobre d'esti añu (quitando agostu).

Esti programa arrexunta toles convocatories de subvenciones d'investigación I+D+i asturianes, xestionaes pola Axencia de Ciencia, Competividá Empresarial ya Innovación Sekuens. La xestión de les ayudes, que tamién cunta cola promoción económica, estrema en cinco subprogrames: xeneración de conocimientu científicu-tecnolóxicu, meyora competitiva de les empreses per aciu de la I+D+i, fomentu de la collaboración y tresferencia de la I+D+i, formación y estabilización de los recursos humanos en materia I+D+i, formación y estabilización de los recursos humanos en materia I+D+i y sensibilización social y espardimientu de la ciencia.

La unificación del calendariu de convocatories supon una mayor axilidá na tramitación y más flexibilidá a la d'afitar los plazos de xustificación. Y fai posible utilizar remanentes d'un añu o ampliar l'ayuda económica en función de la demanda del programa.

Coles mesmes, el Conseyu de Gobiernu aprobó los estatutos de l'Axencia Sekuens, qu'asumió la xestión de los programes d'anovación, ciencia y talentu del Principáu, cola Fundación pal Fomentu d'Investigación Científica y Aplicada y la Tecnoloxía (Ficyt) como entidá collaboradora.

“Cola ayuda del Gobiernu del Principáu d´Asturies”.