Asturies lidera la investigación del remediu a una enfermedá rara
Un grupu del ISPA recibe 110.000 euros de Mutua Madrileña pa reforzar el financiamientu del so estudiu sobre la patoloxía FOP
D'esquierda a derecha, Daniel Rubiera, Gonzalo Sánchez Duffhues, Ignacio Ortea y Judit Bestilleiro. / LNE
Cientu diez mil euros pa financiar la investigación d'una enfermedá rara n'Asturies. Esa ye la cantidá donada pola Fundación Mutua Madrileña al proyeutu asturianu que lidera Gonzalo Sánchez Duffhues (Córdoba, 1980), que s'axunta a otros 100.000 apurríos pola asociación lleonesa "Por dos pulgares de nada" y a 25.000 mil más de la Fundación Eugenio Fernández. L'oxetivu ye promover la investigación de fármacos pa tratar la fibrodisplasia osificante progresiva (FOP), una patoloxía qu'afecta a una persona de cada millón.
La investigación encabezada por Sánchez Duffhues va entamase nel Institutu d'Investigación Sanitaria del Principáu d'Asturies (ISPA) con cuenta de reposicionar un fármacu, anguaño n'investigación pal tratamientu de l'artritis reumatoide, como opción pa tratar la FOP. Esta patoloxía poco común ye causada pola mutación d'un xen que produz la osificación de los músculos, tendones, fascies y lligamentos, esto ye, fai que los pacientes desarrollen plaques de güesu fuera de la cadarma, principalmente como respuesta a traumes inflamatorios causaos por cayíes, golpes, vacunes o inclusive constipaos.
"Ye perimportante dar a conocer la FOP, porque frente al crecimientu de güesu nun puede practicase una ciruxía d'estracción, una y bones eso solo fadría más dañu", esplica Sánchez Duffhues. Y ye qu'anguaño ye una enfermedá que nun tien cura, anque sí "esisten tratamientos que frenen el crecimientu de güesu, pero tienen munchos efectos secundarios", indica l'investigador cordobés. Ello ye que'l grupu d'investigación asturianu que lidera Sánchez Duffhues pretende "utilizar melecines que yá s'utilicen o s'investiguen pa otres enfermedaes y ver si tienen efectos positivos nos pacientes de FOP", fae. Y ye más: "la investigación trata d'optimizar el tratamientu, demostrar que ye seguru, efectivu y ver cuála ye la dosis mínima que podría alministrase", amiesta. El fármacu "podría tar disponible en trés años namás", albidra l'investigador.
“Cola ayuda del Gobiernu del Principáu d´Asturies”.
- La ola del calor achicharra al Suroccidente, a más de 40º, y deja un muerto en Oviedo
- ÚLTIMA HORA: Un varón fallecido en un accidente de tráfico en Sobrescobio
- Detenido tras desatar el caos en Corvera: se lanza sobre los coches en marcha, sigue a puñetazos con un conductor, se desnuda y acaba reducido por clientes de un bar
- Ven a un octogenario inglés subiendo la vega del Urriellu con un gran bulto, intentan asistirlo y él se niega
- Adiós a los Mozos de Arousa: la prueba en la que Bruno no ha podido con la presión
- El baño vuelve a estar permitido en San Lorenzo pero se mantiene la alerta por medusas y la bandera roja en la escalera 12
- Las primeras palabras de Hassan que algunos ven como un dardo al Sporting: “He venido a vuestra familia para quedarme”
- Muere un escalador asturiano al caer 50 metros de una pared en Cubillas de Arbás (León)
