L'apuesta de la china BYD per Turquía alloña la opción d'una fábrica de coches n'Asturies
La empresa va producir 150.000 vehículos al añu y va crear 5.000 empleos nel país otomanu, que va sortear los aranceles de la UE a Pequín
L'automovilística china BYD, líder mundial en ventes de vehículos eléctricos, va invertir 1.000 millones dólares en Turquía (924 millones d'euros) pa construyir una fábrica cola que cuenta producir 150.000 coches al añu. Esta decisión esfrez les mires de que'l xigante chinu estableza una segunda factoría n'Europa (la primera va allugase n'Hungría). Asturies yera ún de los territorios candidatos, y personal de la compañía llegó a pescudar sobre'l terrén posibles localizaciones na Zalia.
L'alcuerdu firmóse'l llunes n'Istambul ente'l presidente turcu, Recep Tayyip Erdogan; el ministru turcu d'Industria y Tecnoloxía, Mehmet Fatih Kacir, y el presidente y conseyeru delegáu de BYD, Wang Chuanfu.
La compañía camienta entamar la producción a finales de 2026. El proyeutu cuenta crear unos 5.000 empleos directos y va dir acompañáu d'un centru d'investigación y desenvolvimientu (I+D), informó'l Ministeriu d'Industria y Tecnoloxía turcu. El pactu firmóse xusto cuando la Unión Europea acaba d'aprobar aranceles adicionales a la importación de coches eléctricos chinos, al considerar que gocien de subsidios públicos que frayen la llibre competencia. Los impuestos pueden algamar el 37,6%, anque nel casu de BYD cífrense nel 17,4%.
Magar Turquía nun ye miembru de la UE, el país ta acomuñáu a la unión aduanera europea, polo que los vehículos ellí fabricaos nun van tar sometíos a los aranceles de Bruxeles. Amás, Turquía tien dellos alcuerdos de llibre comerciu con países asiáticos como Corea del Sur, Malaisia o Singapur, lo que convierte a la nación otomana nuna ponte económica ente Europa y Asia.
Y eso nun ye too. Xustamente'l pasáu domingu (esto ye, un día primero del alcuerdu con BYD), entraron en vigor en Turquía aranceles adicionales del 40% pa los coches chinos, tanto eléctricos como de combustión interna. Pero les tarifes nun se van aplicar a les marques chines que fabriquen en Turquía, como va facer BYD.
“Cola ayuda del Gobiernu del Principáu d´Asturies”.
- La ola del calor achicharra al Suroccidente, a más de 40º, y deja un muerto en Oviedo
- ÚLTIMA HORA: Un varón fallecido en un accidente de tráfico en Sobrescobio
- El baño vuelve a estar permitido en San Lorenzo pero se mantiene la alerta por medusas y la bandera roja en la escalera 12
- Ven a un octogenario inglés subiendo la vega del Urriellu con un gran bulto, intentan asistirlo y él se niega
- Las primeras palabras de Hassan que algunos ven como un dardo al Sporting: “He venido a vuestra familia para quedarme”
- Adiós a los Mozos de Arousa: la prueba en la que Bruno no ha podido con la presión
- Muere un escalador asturiano al caer 50 metros de una pared en Cubillas de Arbás (León)
- Una oferta inesperada: La Salernitana pone un millón de euros por Oier Luengo y el Oviedo los rechaza