Glendor Díaz retrata los secretos de la nueche y enséñalos en Ciañu
El fotógrafu de Tiuya espón na Casa de Los Alberti la so muestra "Mientras tu dormías"
Públicu visitando la muestra.
La Casa de los Alberti de Ciañu acueye la esposición "Mientras tu dormías". Ye una escoyeta de venti imaxes nocherniegues tomaes pol fotógrafu Glendor Díaz, natural de Tiuya y conocíu pola so capacidá pa pescudar nueves técniques y estilos. El trabayu ufierta al espectador la posibilidá d'atopar la guapura y misterios de la nueche "suañando y afayando los secretos de la naturaleza".
Glendor Díaz Suárez ganó en 2019 y 2023 la Medaya d'Oru de la Confederación Española de Fotografía (CEF) na Lliga Nacional de Fotografía, na categoría de fotografía nocherniega. "Mientras tu dormías" descubre al espectador "la guapura oculta na escuridá de la nueche, per aciu d'impresionantes cielos nocherniegos y de plasmantes imaxes de la Vía Láctea, que dexen viaxar y suañar al traviés del grandor de la naturaleza", destaca l'autor. Y amiesta: "Dempués d'infinites conversaciones conmigo mesmu y de miles de conversaciones cola mio almohada…. Dempués de dellos cientos de minutos intentando da-y forma a esto por fin fíxose realidá esti proyectu".
Imaxes inédites
La esposición ye un pequeñu percorríu de dellos años fotografiando la nueche. La muestra arrexunta 20 semeyes, delles inédites, nunca publicaes hasta agora.
La esposición puede visitase tol mes de xunetu. La iniciativa foi emponderada pola so capacidá pa "prindar la guapura y la tranquilidá de la nueche". Glendor participó na creación de la "guía Fotográfica Starlight", un proyectu que lu dexó visitar tol territoriu nacional pa fotografiar llugares reconocíos por tener los meyores cielos nocherniegos.
“Cola ayuda del Gobiernu del Principáu d´Asturies”.
- La bronca monumental (con multa de por medio) de Marta Peñate y Tony Spina al reencontrarse tras la separación: 'El coche está a mi nombre encima
- Muere un joven de 27 años en Poo de Llanes tras sufrir una indisposición mientras conducía
- Antonio David Flores vuelve a Telecinco tras su fulminante despido de la cadena: 'Como el ser
- Cristian Suescun rompe su silencio para pronunciarse sobre el conflicto entre Sofía y Maite Galdeano: 'Me ha pillado todo de improvisto
- Marta Pombo preocupa a sus seguidores tras una de sus últimas publicaciones: 'Estoy con unas ganas de llorar
- Pillan a Nuria Roca y a Juan del Val en las playas de Cádiz (y las imágenes reflejan el momento que está viviendo la pareja)
- Conmoción en Llanes tras la muerte de Javier Guitián, de 27 años: 'Una gran persona y deportista
- El nuevo radar móvil de Oviedo 'caza' a un infractor cada minuto en Santullano y la Ronda Sur
