Los cineastes asturianos sofiten la oficialidá de la llingua asturiana
Trenta y cinco profesionales firmen un manifiestu que presentaron na Academia
![José Antonio Quirós.](https://estaticos-cdn.prensaiberica.es/clip/7d7ed278-4b5b-4498-91c4-aeef00673e38_16-9-aspect-ratio_default_0.jpg)
José Antonio Quirós. / Juan Plaza
Los cineastes asturianos sofiten la oficialidá de la llingua asturiana, con un manifiestu nel qu'avisen que "el riesgu evidente de desapaición d'un llingua ye una situación dramática que supondría una perda descomanada pal futuru de la sociedá asturiana", y esixen la reforma del artículu 4 del Estatutu d'Autonomía, pa declarar oficiales l'asturianu y el eonaviego.
El manifiestu "Cineastes pola oficialidá", firmáu por 35 profesionales, incluyíos productores y programadores, presentóse na sala de xuntes de l'Academia de la Llingua Asturiana.
Pablo Casanueva, Elisa Cepedal y Ramón Lluís Bande leeron el manifiestu, que también suscriben, per esti orden, Luis Argeo, Sonia Carbajal, Sofía Castañón, Juan Caunedo, Xune Elipe, Lía Fernández Lugilde, Samuel Fernández, Sonia Fernández, Diego Flórez, Inés G. Aparicio, Sergio G. Sánchez, Inaciu Galán, Santos Hevia, Fernando Lorenzana, Dani Lovi, Diego Llorente, Teresa Marcos, Carmen Menéndez, Tito Montero, Ángeles Muñiz Cachón, Alejandro Nafría, Pablo Quiroga, José Antonio Quirós, Álex Riesgo, Jorge Rivero, Vera Robert, Gonzalo Tapia, Luis Trapiello, Omar Tuero, Alberto Vázquez, Celia Viada Caso y Álex Zapico.
Toos sostienen que "la reconocencia política de les llingües propies va apareyada al desenvolvimientu económicu y social d'un territoriu como vienen demostrando comunidaes vecines como Galicia, Valencia, Isles Baleares, País Vascu y Cataluña" y contribúi al florecimientu d'una producción cinematográfica propia, como el Novo Cinema Galego o el cine catalán.
“Cola ayuda del Gobiernu del Principáu d´Asturies”.
- Tristeza en 'Pasapalabra': 'No ha podido con la quimioterapia
- Cambio de horarios en los colegios: malas noticias para los padres
- El nuevo fichaje de Fiesta por el que Ana María Aldón ha perdido su trabajo: su relación con el clan Pantoja
- Makoke habla sobre su regreso a televisión tras su despido: 'Yo también
- Kiko Rivera reaparece para hablar de su problema de adicción: 'He tocado fondo económicamente, físicamente, mentalmente...
- Sebastián Yatra confiesa que su relación con Tini fue una mentira: esto dice su nueva canción
- Cientos de interinos empiezan a recibir las cartas de extinción de sus contratos
- Incidentes en el colegio, desorientación, sin amigos...: la historia del presunto asesino de Mateo