Empieza la formación de los paraos de les zones del carbón por qu'instalen anovables
El Ministeriu pa la Transición Ecolóxica va entamar esti mes n'Asturies los primeros cursos de recualificación en fotovoltaica, eólica y eficiencia
![Economía](https://estaticos-cdn.prensaiberica.es/clip/b41d6b01-3811-466c-83cf-58890201f68e_16-9-discover-aspect-ratio_default_0.jpg)
Economía / EPC
A Asturies fai-y falta tresformar el so sistema productivu pa cumplir colos oxetivos de la descarbonización, pero tamién-y fai falta tresformar la so mano d'obra p'afayala a nueves demandes venceyaes al espardimientu de les anovables. L'Institutu pa la Transición Xusta cuenta poner en marcha esti mes los sos primeros cursos n'Asturies destinaos a recualificar a paraos de les zones onde trancaron centrales térmiques de carbón como instaladores d'enerxía solar fotovoltaica, d'enerxía eólico y de sistemes d'eficiencia enerxético. Yera ún de los compromisos incluyíos na Estratexa de Transición Xusta aprobada fai cuasi un llustru y qu'agora se materializa con cargu al Plan de Recuperación financiáu con fondos europeos.
L'Institutu pa la Transición Xusta, dependiente del Ministeriu pa la Transición Ecolóxica y el Retu Demográficu, yá entamó n'Asturies a principios d'esti añu un primer paquete de cursos centraos en colectivos de mala empleabilidá: escedentes de les centrales térmiques de carbón de Sotu Ribera, Narcea y Lada, y paraos de más de 52 años de los conceyos que formen parte de los llamaos convenios de transición xusta del valle del Nalón, del valle de Caudal-Aboño y del Suroccidente. Nestos casos los cursos yeren de xestión de residuos y d'inspecciones técniques con drones y fueron impartíos en Villaviciosa y en Llangréu –nel centru de formación d'Hunosa– pola multinacional LHH, perteneciente al grupu de xestión de recursos humanos Adecco. Los cursos concluyeron en mayu d'esti añu. Empezáronlos un total de 41 paraos y rematáronlos 34. Agora los xestores tán trabayando nel insertamientu llaboral de los alumnos, según señalaron fontes del Ministeriu pa la Transición Ecolóxica.
Esos cursos pa colectivos de mala empleabilidá formen parte del programa de formación y recolocación de la Estratexa de Transición Xusta, que pretende formar y ensertar nun nuevu empléu a 200 persones y que tien como programa más destacáu'l de recualificación de paraos d'estes zones onde trancaron les térmiques de carbón por que puedan trabayar en nueves árees d'actividá profesional nel campu de les enerxíes verdes. Nesti casu ye formación certificada qu'esixe estudios reglaos remataos p'aportar a ella.
"Va haber más cursos pa colectivos de mala empleabilidá y con trabayu d'insertamientu, y nel casu del otru formatu, el de la formación certificada, vamos empezar esti mes", señaló a esti diariu la directora del Institutu pa la Transición Xusta , Laura Martín Murillo.
Esos cursos de formación certificada van ser n'instalaciones d'enerxía solar y enerxía eólico (instalador lletricista, interpretación de planos y esquemes pa operarios ya instaladores, instalador d'enerxía solar fotovoltaica ya instalaciones d'enerxía eólico con trabayos n'altura) y n'eficiencia enerxético.
El campu de la instalación d'enerxíes anovables y de sistemes d'eficiencia cada vez demanda más personal cualificáu por cuenta de los planes públicos de sofitu que tán acelerando la implantación n'empreses, edificios públicos y viviendes. Amás, n'Asturies hai una importante presencia d'empreses instaladores y de fabricación de componentes, y proyectos entamaos pa siguir creciendo como'l de Exiom nes antigües instalaciones de Vesuvius en Llangréu o el de Windar nes vieyes naves d'Alcoa n'Avilés.
“Cola ayuda del Gobiernu del Principáu d´Asturies”.
- Belén Esteban regresa a lo grande para denunciar una estafa en la que ha estado implicada: 'Bloquead sinvergüenzas
- Adara Molinero hace pública su inesperada reconciliación tras su polémica ruptura: 'Las cosas de la vida
- Kiko Rivera confirma la feliz (y esperada noticia) tras los rumores y dedica una bonitas palabras a Irene Rosales: 'Nuestro mejor momento esta por llegar
- Conmoción en Avilés por el fallecimiento repentino de una veinteañera en una sidrería de Villalegre
- Sebastián Yatra confirma su ruptura con Aitana con este emotivo discurso: 'Todos aceptamos cada emoción, lo bueno y lo malo
- Enrique Ponce se declara a Ana Soria en plena corrida de toros y ante el público: 'Demostrarnos nuestro amor
- El drama económico de Ana María Aldón tras su salida de Fiesta: de vender su vida en televisión a pedir en redes sociales
- Sale a la luz la casa en la que vive Ivonne Reyes tras perder la batalla judicial contra Pepe Navarro