L'alza del preciu de los alimentos repicó n'Asturies en viéspores de la rebaxa del aceite
La comida xubió'l 4,6% en xunu mentanto que l'índiz xeneral caltúvose nel 3,5%, una décima perriba de la media nacional
![Una vecera merca aceite nun supermercáu.](https://estaticos-cdn.prensaiberica.es/clip/fc9cc0f8-e396-4237-ade4-7bdb007c7f04_16-9-discover-aspect-ratio_default_0.jpg)
Una vecera merca aceite nun supermercáu. / FERRAN NADEU
L'índiz de precios de consumu (IPC) xubió n'Asturies en xunu un 3,5% en tasa interañal, la mesma tasa qu'en mayu, mentanto que l'alza de los precios de los alimentos repicó y pasó del 4 al 4,6%%, según los datos publicaos esti día pol Institutu Nacional d'Estadística (INE). El repique de los alimentos producióse en viéspores de la supresión del IVA nel aceite d'oliva, midida aprobada pol Gobiernu qu'entró en vigor el 1 de xunetu.
La tasa interañal del IPC n'Asturies quedó en xunu nel 3,5% depués de trés meses consecutivos d'incrementos, que fueron de trés décimes en marzu, de dos n'abril y d'otres dos en mayu. En tasa mensual, los precios xubieron na comunidá un 0,6%, colo que nel acumuláu del primer semestre fixéronlo un 2,7 por cientu.
Por grupos de precios y en tasa interañal, nel Principáu namás baxaron los precios del vistíu y el calzáu, un 0,5%, y del menaxe, un 0,3%, mentanto que los de les comunicaciones caltuviéronse invariables. Frente a ello, les principales medríes correspondieron a la vivienda, un 5,1%; los hoteles, cafés y restaurantes, un 4,9%, y los alimentos y bebíes non alcohóliques, un 4,6%. Nel últimu añu tamién xubieron los precios del ociu y la cultura, un 4,4%; les bébores alcohóliques y el tabacu, un 4,3%; la enseñanza, un 3,1%; la medicina, un 2,7%, y el tresporte, un 2,4%.
Nel conxuntu del país, el IPC moderó en xunu al 3,4 % interañal, dos décimes menos qu'en mayu, pola baxada de los precios de los carburantes, pero tamién pola bona evolución de los alimentos, que xubieron un 4,2 % al menor ritmu dende avientu de 2021.
“Cola ayuda del Gobiernu del Principáu d´Asturies”.
- Decenas de vehículos averiados en San Martín al repostar gasolina que en realidad era gasoil
- El llamativo cambio físico de Rafa Mora tras su despido de Telecinco: '¿Qué te ha pasado?
- Mueren dos avilesinas, madre e hija, de vuelta de las vacaciones, al chocar contra un camión en León
- Alerta máxima de Jorge Rey para los próximos días: 'Un huracán en España
- Tragedia en San Tirso de Abres: fallecen dos vecinos de la comarca tras caer con su coche al río
- Rocío Carrasco, muy sincera sobre su maternidad: 'La tormenta ya pasó
- Cuchara en la goma de la lavadora: la solución que cada vez copia más gente
- El terrible accidente mortal que ha conmocionado San Tirso de Abres: 'Sentimos un estruendo horrible en todo el pueblo