Madrid afaya en Cibeles a 70 grandes maestros de la colección de Pérez Simón
El Palaciu de Telecomunicaciones prepárase pa la muestra que va abrir en setiembre con obres propiedá del asturmexicanu d'autores que van dende Rubens hasta Rothko
!["Escena llexendaria o Sancho nel agua", de Paul Cézanne, una de les obres que van poder vese en CentroCentro.](https://estaticos-cdn.prensaiberica.es/clip/1bf2f29a-6268-49da-b7de-51eabb3e7b07_16-9-aspect-ratio_default_0.jpg)
"Escena llexendaria o Sancho nel agua", de Paul Cézanne, una de les obres que van poder vese en CentroCentro. / Ayuntamientu de Madrid
Madrid yá tien día y hora pa un prolegómenu artísticu. Asina puede interpretase la esposición "Setenta grandes maestros de la colección Pérez Simón" que se va abrir el 20 de setiembre nel espaciu cultural CentroCentro del Conceyu de Madrid, nel Palaciu de Cibeles, y que va ser l'antoxana del proyectu que la Fundación Colección Pérez Simón va entamar nel Espaciu Cultural Serrería Belga. Un nuevu espaciu d'arte que se va crear nos próximos meses, na conocida como milla de la cultura de Madrid, y que se va convertir en sede permanente d'una parte sustancial del gran patrimoniu artísticu atropáu pol empresariu asturmexicanu, que tien nel arte una de les sos grandes pasiones.
La esposición temporal, como esti día concretó'l Conceyu de Madrid, va allargase hasta'l 12 de xineru y va tar fornida "con una mayoría d'obres importantes nunca enantes vistes en Madrid", esplicaron dende la entidá municipal. La muestra propón, como nun podía ser d'otru xeitu, una bona selección d'obres de la Colección Pérez Simón, nun percorríu que s'articuló en trés periodos. El primeru d'ellos lleva por títulu "Maestros antiguos y primeros modernos", y la idea cola que se trabaya ye qu'incluya obres de Lucas Cranach el Vieyu, Bronzino, Rubens, el Greco, Murillo, Anton Van Dyck, Canaletto, Tiepolo y Goya, ente otros.
Un segundu apartáu llámase "Sieglu XIX", y va tar armáu con pieces de los más relevantes pintores del momentu, entre ellos Turner, Van Gogh, Paul Cézanne, Pisarro, Gauguin, Sisley, Monet, Renoir, Joaquín Sorolla ya Ignacio de Zuloaga. Finalmente, la tercer parte titúlase "De les Vanguardies al arte actual", y nella tán presentes artistes como Tamara de Lempicka, Fernand Léger, Rothko, René Magritte, Alex Katz, Takashi Murakami y Yoshitomo Nara.
Juan Antonio Pérez Simón (natural del pueblu llaniscu de Turancias, 1941) emigró a los cinco años a México colos sos padres. A lo llargo de la so vida foi configurando una colección d'arte que ye frutu de la so pasión pola pintura y la escultura, y que nunca venceyó a nengún interés inversor. La colección axunta más de 4.000 pieces de pintura, escultura, dibuxu, artes decoratives y manuscritos, siendo consideráu güei como ún de los patrimonios privaos más relevantes del mundu, espliquen dende'l Conceyu. La esposición va poder ser visitada de martes a domingu, ente les 10.00 y les 20.00 hores.
“Cola ayuda del Gobiernu del Principáu d´Asturies”.
- El Cordobés' se pronuncia sobre su futura paternidad: 'Siempre amaré y respetaré
- Marieta sorprende al comunicar su separación tras su anuncio de boda: 'Me dan ganas de llorar
- Adara Molinero habla sobre su nueva ilusión tras su ruptura: 'Me espera en casa
- Manu se despide de Pasapalabra: 'Como en mi casa
- Adiós a Saber y Ganar: indignación entre la audiencia tras la cancelación del mítico concurso
- Nueva tienda en Parque Principado: esta es la nueva (y conocida) cadena de deportes que ha abierto en el centro comercial
- Un buen samaritano de Gijón: un hombre de 80 años se encuentra una riñonera con 10.324 euros en efectivo y la entrega a la Policía
- La salense Montse García logra por fin fecha para su operación urgente: “Quiero tener mejor vida para poder cuidar mejor de mis hijos”