Opinión | Parando en Villalpando
Gafas de sidra
El efecto embellecedor
Gafas de sidra / Mortiner
–¡Mira qué guapu, Nely, qué pibón!
–Yá tamos…
–¿Qué ye, ho?
–Les gafes de sidra.
–¿Eh?
–L’efectu embellecedor.
–¿Que qué, ho?
–¡Dexa de chumar, Mariflor!
–¡Ai, dase un aire a Brad Pitt, nun me digas que non!
–¡Calla por Dios, que siempres tas igual!
–¿Yo?
–Sí, fía. Con trés culinos el chigreru tien los llabios más carnosos, los güeyos más grandes y la de la mio madre…
–¿Pero tu vístilu bien, ho? ¡Mira, Nely, qué pibón!
–Calla la boca, Mari, faime’l favor.
–Uf. ¡Yo me lo fo…! ¡Me lo fo…! ¿Y tu? ¡Di la verdá!
–¿El qué, ho?
–¿Te lo follabas o non?
–¿Yo? Nin lloca. ¡Ye feu pa perru! Si nun llevares les gafes de sidra…
–¿Que qué, ho?
–Date por simetrizar les cares, Mari, te paecen más atractives de lo que son.
–¡Uf, mira, ho! ¡Esi rapaz tien un revolcón!
–Bebes tantos culetes, cuca, que nin la proporción áurea respetes.
–¿La qué, ho?
–La sidra vuelve más bella a la xente, Mari, actúa como simetrizador.
–¿Cómo ye, ho?
–Bebes y bebes, y muévesete tou: la distancia ente los güeyos, la boca…
–¡Ta pa da-y, Nely! ¡Ta pa da-y!
–¡Anda, nun bebas más! Esi paisano ye feu como un rayu. ¡Vamos pa casa!
–¡Toi más caliente qu’un pelotazu na oreya!
–Claro. L’efectu «gafes de sidra» aumenta la libido y tu, Flori, tas pa la mano.
–¿Cómo ye, ho?
–¡Que vinisti a pillar, Mariflor, les coses como son!
–¿Yo? ¡Sí, ho! Lo que te da rabiona ye qu’él solo tien güeyos pa mí.
–Él ta a la que salta, Mari. ¡Ye un xostrón!
–¡Buo, qué mala ye la envidia, por favor!
–¿Envidia de qué, ho?
–Nun tengo culpa de ser más guapa y más sexy que tu, fía.
–Mira, Mariflor, nun te lo voi tener en cuenta porque sé de sobra que l’efectu «gafes de sidra» funciona de forma bidireccional.
–¿Cómo ye, ho?
–Non solo ameyora la percepción del atractivo de los demás, sinón que tamién te fai sentir más atractiva a ti mesma.
–¡Qué pesadina yes, fía!
–Pos anda que tu…
–¿Quién me diba a dicir a mi que diba atopar a esti pibón nel chigre de la comisión?
–Tienes tu más peligru nes fiestes de prau, Mari, que dos caníbales faciendo’l 69.
–¡Calla la boca, repipi! ¡Mira qué guapu, qué pibón!
–Son les gafes de sidra, Mariflor. L’efectu embellecedor.
www.maxirodriguez.net
- Boda en Meres del director del aeropuerto de Asturias, Pedro Cotilla, que se casó con Adoración Sarmiento
- Último aviso de Joaquín Prat a Alessandro Lequio por sus comentarios sobre Terelu: 'Ni una más a partir de ahora
- Era feliz en la montaña', dice la familia de la fallecida tras caer en el Torrecerredo
- Rescatan al cantante de La ruleta de la suerte tras lo ocurrido en su último concierto: 'Gracias por ayudarme a salir del apuro
- Así quedan los grupos en Segunda Federación para esta temporada: el Numancia, el gran coco de los asturianos
- Una gijonesa revoluciona First Dates por su sinceridad sexual: 'Una vez al día está bien, dos no está mal y tres también estaría muy bien”
- Buenas noticias para los que hayan superado los 50 años: los más de 400 euros que van a recibir en la primera quincena de cada mes
- Adiós al toldo y al calor este verano: la persiana de Ikea que repele el sol y cualquiera puede instalar
